廣告公司打雜喜一郎﹙妻夫木聰 飾﹚，失驚無神俾賤精上司﹙豐川悅司 飾﹚老點，被逼同爛賭OL小光﹙北川景子 飾﹚假扮夫妻檔，仆去美國做殿堂級廣告大獎評審，實際係為公司嘅垃圾作品拉票，冇獎攞到實聽飯碗不保！英文半桶水嘅喜一郎，不但對遊戲規則矇查查，廣告界女強人木澤﹙鈴木京香 飾﹚又為爭獎勁搞小動作，喜一郎性格鵪鶉兼戇直，點喺爾虞我詐之中完成不可能任務？
